نظرتي للحياة

ما رأيك في نظرتي …؟؟
(polls)

..بسم الله الرحمن الرحيم ..
السلام عليكم ..

كيفكم اخباركم وكل عام وانتم بخير بمناسبة عيد الأضحى المبارك ..

حبيت أتكلم معاكم بالعامية ..

سبب نهضة الأمم أنتاج أفراد المجتمع  طيب فين الأنتاج الأن سواء كان إنتاج أخلاقي

أو ثقافي أو عملي ..

سيبونا نفكر مع بعض شوية نشوف أنتاج أخلاقي تركوه الكثير منا ..

…. لقيتو شي أنا لقيت ….

فين راح طموح المسلمين للتقدم أنا من نظري قليل من يفكر بعد 5 سنوات أيش يكون ..

بلاش 5 سنوات بعد سنة  …

وان فكر هيفكر بشي بسيط زي مثلا واحد أخر سنة له في المتوسط للثنوي ايش طموحو ..

طموحو انو يوصل للثنوي وخلاص يعني طموح محدود بس على فكرة مو هادا الطموح الي تحتاجو امتنا للوصول للقمم ..

الطموح الي نحتاجوا انو زي المثال السابق بس يكون أنسان طمووح بمعنى الكلمة …

أيش تتوقعوا هيكون طموحو لما سألوووووووووووه ..

قال أطلع بإمتياز عشان أهيئ نفسي للدخول لمرحلة ثانوية أوسع يعني يشقى في الدراسة عشان

لما يوصل للمرحلة الثانوية يكون إنسان ما يفرق معا المنهج سواء كان صعب ولا لا .. ليش

عشان جهز نفسوو للمرحلة إلي بعدها هادا أنا أعتبرو طموووح !!

نعم من شدة طمووحو للمستقبل قرر يجهز نفسو قبل لا يوصل للمرحة إلي بعديها ..

(بعديها) عجبتني دي الكلمة ^_^..

……

نجي للعملي ..

عشان نوصل للحضارة النشيطة إلي تعمل لحاضر ومستقبل الأمة لازم نعتمد على أنفسنا ..

مثلا ..

شخص أبو معودو على الراحة و اللعب وأبو يعملو كل شي فا هتلاقي الولد حتى عشان يقوم يشرب مويا (ماء)..

ينادي أمو أو أبو يصبولو مويا هنا وقعت أخطاء في جميع أنواع الإنتاج ..

الأول / أخلاقي فين راح بر الوالدين الي يسعى الواحد عشان يرضي والديه و يريحهم زي ما ريحو وهو صغير..

وتاني / ثقافي إنه لما يربي أولادو هيربيهم بنفس ما ربوو أمو و أبو من ثقافة ..

وثالث / عملي أنو يصبح أنسان كسول حتى ما يفكر أيش يسوي بعد ساعة ..

يبغى كل شي يجي وهو جالس سواء سيارة او عمل لدرجت أنو كتر الشباب العاطل في وقتنا بسبب ..

الأعتماد على الغير ويبغى يسير مدير بسرعة كل شغلة يا عالم تبدأ بالتدريج مستحيل تكون مدير على طوول ..

لازم تتعب وأكبر دليل الإسلام جا الإسلام كامل دفعة وحدة ولا على دفعات طبعا على دفعات ما قالو في بداية

الدعوة قوم صلي او لا تشربو خمر تدرج في البداية امرو انو الانسان يسلم ويوحد فقط ثم توسع بصلاة ثم صوم وهكذا ..

فا تقبلو نظرتي للحياة ..

واتمنى من كل شخص يفكر ينقل الموضوع ..

يذكر المصدر وجزاكم الله الف خير على قرائتكم للموضوع واتمنى تكون نظرتي إيجابية وليسة سلبية ..

و سلام من الله عليكم ورحمة منه وبركاته …

..بسم الله الرحمن الرحيم ..

أنا لم أقم بعمل هذه المدونة للتسلة او للعبث ..

بل لأنقل لكم نظرتي لمستقبل المسلمين وحاضرهم ..

ولنتذكر الحضارة الأسلامية السامية بأخلاقها و تعاملها مع أهلها و التأسي بئسوة المسلمين القدوة الأعلى محمد صلى الله عليه وسلم ..

ونناقش قضايا الشباب و أسباب أنحدار الشباب للغرب في حياتهم اليومية ..

و نقاشي لن يكون موجه لأي جهة كانت عامة او خاصة و إنما هي نظرني للحياة ..

واتمنى ان تتابعوا جديد مدونتي وجديد نظراتي للحياة …

و اللهم صلي و سلم وبارك على خير أمتنا سيدنا محمد وعلى أله وصحبه أجمعين ..

و إلى لقاء اخر …